room no 6

എലി

ആറിൽ വാടക കൊടുക്കാതെ താമസിച്ചിരുന്നതും , എന്നാൽ പകല്ലെന്നോ രാവെന്നോ ഇല്ലാതെ ഓടി നടന്നിരുന്നവനുമായ ടെനൻറ് ആയിരുന്നു എലി . എലി എന്നത് ഏകവചനമാണെങ്കിലും സത്യത്തിൽ ഐറ്റംസ് ബഹുവചനമായിരുന്നു . പത്താക്കയോ പാസ്പോർട്ടോ ഇല്ലാത്ത എലികൾക്ക് നാമകരണവും സെൻസസും വെച്ചത് കാദർഭായിയും സാലിയുമായിരുന്നു . ആലപ്പുഴക്കാരനായ കാദർഭായ് നടത്തിയ നാമകരണങ്ങൾ

    വലുപ്പമുള്ള എപ്പോഴും പോടാ പുല്ലേ ഭാവത്തിൽ നടക്കുന്നവൻ “തച്ചിലേടത്ത് ചുണ്ടൻ “(കടുത്ത മമ്മൂട്ടി ഫാനായ സാലിക്കയും ഈ പേരിന്റെ പിതൃത്വം അവകാശ പെടുന്നുണ്ട് )
    ഇരുട്ടത്ത് നാണിച്ച് നടക്കുന്ന എലി “നാണി ചുണ്ടൻ.”

(ആലപ്പുഴയും വള്ളം  കളിയും മനസ്സിൽ വെക്കുന്ന കാദർ ഭായ് വേറെന്ത് പേരിടാനാണ്.)എലിയെ കുറിച്ച് ചില ചർച്ചകളും നടക്കാറുണ്ട് .

കാദർ ഭായ് :- അതേയ് നമ്മട എലിയുണ്ടല്ലോ ?

സാലിക്ക :- ഏതു ?

കാ.ഭാ – ഹാ നാണി ചുണ്ടിയെ; അവളെ ഫെമിനിസ്റ്റാ ?

സാ. ക്കാ :- ( ഫെമിനിസ്റ്റ് എന്താന്നറിയില്ലെങ്കിലും ) ഇങ്ങള്‌ ബെറുതെ പറയല്ലാന്നു .

ക.ഭാ :- ഹേ വെറുതെയല്ലാന്നു ; ഞ്യാൻ ഒന്ന് ചോയിക്കട്ടെ – ഇത് വരെ അതിനെ നിങ്ങ അടുക്കളയിൽ കണ്ടിട്ടുണ്ടോ ; ശരിക്കൊന്നു ആലോചിക്ക് ?

സ.ക്ക – 🤔 ഏയ് ചെലപ്പോ ഞമ്മളില്ലാത്തപ്പോ കേറുന്നുണ്ടാവും .?

ചർച്ച മുറുകും ആസ് യൂഷ്വൽ നാണി ഫെമിനിസ്റ്റാണെന്നും അടുക്കളയിൽ കേറത്തിലെന്നും ഭായ് സമർ ഥിക്കും.

കാര്യം ഇങ്ങനെയാണെങ്കിലും എലിയെ പിടിക്കാനും ഒഴിവാക്കാനും തീരുമാനമായി . മെസ് ബഡ്ജറ്റിൽ എലിപെട്ടി പാസായതും എലി പെട്ടി വാങ്ങിയതും ശടപടെ ശടപടെ എന്നായിരുന്നു.

ബട്ട് ബോയ്സ് പെട്ടി വാങ്ങി 2 ഡേയ്സ് കഴിഞ്ഞും കെണി വെക്കാനുള്ള യാതൊരു ഭാവവും കാണാത്തപ്പോൾ ബാക്കി മെംബേർസ് ബഹളം തുടങ്ങി. അഴിമതി ആരോപണം പോലും ഉന്നയിക്കപ്പെട്ടു ( ഇന്റ 2 ഉറുപ്പിയെനകൊണ്ട് ഞാൻ നാട്ടിൽ 2 ഏക്കർ വാങ്ങുന്നല്ലേ എന്ന് ആട്ടു സ.ക്കാ നടത്തി ) . ഒടുവിൽ ബോയ്സ് സത്യം പറഞ്ഞു. എലി പ്രവസിച്ചിട്ടുണ്ട് ബട്ട് കുളൈന്തകൾ എവിടെയെന്ന് മാഫി മാലും , സോ ഇപ്പൊ കഷ്മലൻസ് കെണി വെച്ച് നാണി കുടുങ്ങിയാൽ കൊച്ചുങ്ങൾ പട്ടിണിയാവും ചാവും റൂം നാറും.

എന്തായാലും 2 ആഴ്ച കഴിഞ്ഞപ്പോ കൂടുതൽ നാമകരണങ്ങൾ അരങ്ങേറി

വടക്കേടത്ത് ചുണ്ടൻ ( കൃത്യം വടക്കോട്ടു ഓടുന്നവൻ )

ഷുണ്ടൻ ( ഷൂ റാക്കിൽ ഓടി കേറുന്നവൻ)

പടിഞ്ഞാറ്റ ചുണ്ടൻ ( അത് ഹിദായത്ത് കിട്ടിയ ദീനിയായ എലിയാ കൃത്യം മുസല്ല വെക്കുന്ന സ്ഥലത്തേക്ക് ഓടി കയറും )

പേരിടലും സെൻസസും ഒഴിവാക്കി ബോയ്സിനോട് എലിയെ പിടിക്കണം മിഷ്ടർ എന്ന് മലബാറീസ് പറഞ്ഞപ്പോളാണ് സാലിക്ക കെണി വെക്കാൻ തുടങ്ങിയത് . ആദ്യം വെച്ചത് തക്കാളി ആയിരുന്നു . സ്ഥിരമായി വേസ്റ്റ് ബിന്നിൽ നിന്നും ചിക്കൻ നക്കിയ എലി പരിഗണിച്ചില്ല , പിന്നെ ഉണക്കമീൻ വെച്ചു . ബട്ട് ഫ്രഷ് മീൻ തന്നെ അടിച്ചു മാറ്റി കൊണ്ടിരുന്ന എലി പുഛിച്ചു , അറ്റ കൈ എന്ന നിലയിൽ തേങ്ങാ ചുട്ട് വെച്ചെങ്കിലും എലി തിരിഞ്ഞു നോക്കിയില്ല .

കാര്യങ്ങൾ ഇങ്ങനെ കൊഴഞ്ഞു മറിയുമ്പോൾ ശാക്കിർ ഭായ് ഒരുകടുംകൈ ചെയ്തു, അടിച്ചു കോൺ തെറ്റിയ ഒരു രാത്രി നല്ല ഫ്രൈ ചെയ്ത സോസേജ്‌ കെണിയിൽ വെച്ചു . എലി വീണു 🙄. രാത്രി നൈറ്റ്  ഡ്യൂട്ടി കഴിഞ്ഞു  ഞാനെത്തുമ്പോൾ ശാക്കിർ ഭായി എലിയോട് സംവദിക്കുന്നു .(മൂപ്പരുടെ തന്നെ ട്രാന്സലേഷൻ )

ഷാ.ഭാ :- ഡാഷേ ഇന്ന കൊല്ലാൻ പോവുന്നാണ്

എലി :- ബട്ട് വൈ ?

ഷാ.ബാ. ഇഞ്ഞിവിടെ രോഗം വരുത്തും .പോരാത്തതിന് ഇനിക്ക് പാസ്സ്പോർട് ഇണ്ടോ ? ഫീ പത്താക്ക .

എലി :- ക്യാ ഹേ ഭായിജാൻ , ഇങ്ങളിപ്പോ കേറ്റിയ സാധനത്തിൽ ഇത് കുടിക്കരുത് കേടാണ് എന്നെഴുതിയിട്ടില്ലേ ? ആദ്യം അത് നിർത്തണം മിഷ്ടർ . പോരാത്തതിന് കാപ്പിറ്റൽ പണിഷ്മെന്റ് പാർട്ടി നയത്തിന് എതിരാണ്.

തികഞ്ഞ കമ്മുണിസ്റ്റായ ഭായി അതിൽ വീണു.

എലിയെ എന്താക്കും എന്ന ചർച്ച വന്നു .(എലിയും ഭായിയും തമ്മിലായിരുന്നു ചർച്ച , ഞാൻ കുബ്ബൂസും സോസേജുമടിക്കുന്നേനും സത്യം)

ക്രിയേറ്റിവിറ്റിയുടെ ഉസ്താദായ ശാക്കിർ ഭായി തന്നെ ശിക്ഷ വിധിച്ചു . താഴെ ഉള്ള പാകിസ്ഥാനികൾ കിളിയെ ദാനം ചെയ്യാൻ വെച്ച കൂട്ടിൽ കൊണ്ടിടാ.

(ഒന്നാം നമ്പറിലെ പാക്കി ബോയ്സ് ഇടക്കിടക്ക് കിളികളെ വാങ്ങുമെങ്കിലും ആരെങ്കിലും കക്കും , കൊല്ലാനാണോ വളർത്താനാണോ എന്ന് ആർക്കും അറിയിയില്ല,ഒരിക്കൽ ബോയ്സ് പോലീസിനെ വിളിച്ചെങ്കിലും സംഗതി തെളിഞ്ഞില്ല , ആറിലെ സിസിടിവി കോഴി പാക്കാക്കിയത് കൊണ്ട് ആ ഓപ്‌ഷനും ഇല്ല . കിളിയെ വളർത്താൻ വച്ച കൂട്ടിൽ ഇപ്പൊ ശാക്കിർ ഭായി കൊണ്ടിട്ട എലിയെ വളർത്തുന്ന പാക്ക് ബോയ്സിന് നമോ വാകം . തച്ചിലേടത്ത് ചുണ്ടനെ നഷ്ട്ടപെട്ട സാലിക്കാകും കാദർ ഭായിക്കും അനുശോചനങ്ങൾ )

എന്തായാലും പാകിസ്ഥാനികൾ ഹാപ്പിയാണ് കൂട്ടിലൊരു പ്രജ ഉണ്ട് ആരുമിതുവരെ കട്ടിട്ടില്ല

Leave a Reply